Borgin hefur breyst mikið síðan 1965. Barinn á Hótel Holti hefur haldið sínu: eldurinn logar enn í arninum, frumverk Kjarvals hanga á veggjunum og leðurstólarnir bíða. Hér hittast heimamenn eftir vinnu og fá sér drykk í rólegheitum áður en kvöldið byrjar.
OPNUNARTÍMI BARSINS
Þriðjudaga til laugardaga
kl. 16:00-22:00
Gleðistund þriðjudaga til laugardaga kl. 16:00-19:00
Sjáumst eftir vinnu.
Frá árinu 1965 hefur barinn á Hótel Holti verið hluti af menningarlífi Reykjavíkur. Hann var hugsaður sem samkomustaður listamanna, rithöfunda og ferðalanga og hefur haldið yfirbragði sínu frá miðri síðustu öld: dökkum viði, gömlum smáatriðum og andrúmslofti sem er í senn sérstakt og notalegt.
Hér ber hvert horn vott um íslenskan menningararf. Á veggjunum hanga frumverk eftir Kjarval og fleiri þekkta íslenska listamenn, svo barinn minnir frekar á einkagallerí en hótelbar.
Barinn einkennist af hlýrri birtu og notalegri nánd. Gestir koma sér fyrir í djúpum leðurstólum við arininn, sem er vinsælasti staðurinn á löngum íslenskum kvöldum, og njóta kokteila umkringdir listaverkum.
Andrúmsloftið er látlaust en vandað: mjúk lýsing, fáguð þjónusta og sú tilfinning að vera kominn inn á rótgróna reykvíska stofnun. Hvort sem þú kemur í fordrykk fyrir kvöldverð, síðasta drykk kvöldsins eða síðdegiskaffi, gerir tímalaus hönnun barsins stundina betri.
Á fimmtudagskvöldum fyllist barinn af lifandi djassi. Þekktir íslenskir djasstónlistarmenn stíga á svið innan um listaverkin og tónleikarnir hefjast kl. 18:00. Miðinn kostar 4.500 kr. og velkomstdrykkur er innifalinn. Miðar fást á barnum fyrir tónleikana og gott er að mæta tímanlega til að tryggja sér sæti.
Matseðillinn byggir á klassískri kokteilgerð með nútímalegu íslensku ívafi. Barþjónarnir okkar bjóða upp á sérdrykki innblásna af íslenskri náttúru, gott úrval vína, íslenskt áfengi og vandað viskí, allt lagað af alúð.
Fáðu þér smárétt með drykknum, njóttu rólegs spjalls eða einfaldlega listarinnar í kringum þig. Hér er ekkert að flýta sér.
The New York Times mælir með barnum á Hótel Holti í umfjöllun sinni um Reykjavík. Heimamenn hafa vitað það í áratugi.
