Hótel Holt er fjölskyldurekið boutique-hótel og eitt af elstu og þekktustu hótelum Reykjavíkur. Hótelið var stofnað árið 1965 og hefur alla tíð verið í eigu sömu fjölskyldu. Sú arfleifð lifir enn í persónulegri þjónustu, einstökum húsakynnum og hlýlegu andrúmslofti sem gestir okkar kunna vel að meta.
Yfir 700 málverk prýða veggi hótelsins, bæði í almennum rýmum og í herbergjunum sjálfum. Safnið var lengi stærsta listaverkasafn í einkaeigu á Íslandi og er nú í eigu Listasafns Íslands, en verkin fá áfram að njóta sín hér á hótelinu. Hér gistir þú í raun inni í listasafni.
Hótelið stendur við kyrrláta götu í Þingholtunum, í stuttri göngufjarlægð frá miðbænum og helstu stöðum borgarinnar.
Við bjóðum upp á 42 herbergi af ýmsum stærðum, allt frá notalegum eins manns herbergjum til rúmgóðra svíta. Öll herbergin eru þægileg, snyrtileg og skreytt listaverkum úr safninu.
Markmið okkar er að dvöl þín verði þægileg og sem ánægjulegust. Starfsfólk okkar hlakkar til að taka á móti þér. Ef þú hefur einhverjar spurningar er þér velkomið að hafa samband við okkur í gegnum vefpóstinn.
